RC SENYAMULE APOKEA MABALOZI WANNE KUELEKEA ‘DIPLOMATIC CAPITAL TOUR ‘MEI 27

Imetumwa : May 26th, 2025

Na. Hellen M. Minja

       Habari – DODOMA RS

Mkuu wa Mkoa wa Dodoma Mhe. Rosemary Senyamule leo Mei 26, 2025 amepokea ugeni wa Waheshimiwa Mabalozi wanaoziwakilisha nchi zao hapa Tanzania ambazo ni Sweden, Denmark, Finland na Norway waliofika ofisini kwake Jijini Dodoma kufuatia tukio la ziara ya Mabalozi lililoandaliwa na Mkoa huu linalotarajiwa kufanyika siku ya Jumanne Mei 27.

Mabalozi hao wamefika Ofisini hapo kwa lengo la kujitambulisha na pia kupata taarifa za uwekezaji sambamba na vivutio vilivyopo Mkoani hapa kutokana na kushindwa kushiriki ziara iliyoandaliwa hapo kesho.

Akizungumza na Mabalozi hao, Mkuu wa Mkoa amewaeleza dhumuni hasa la kuandaa ziara hiyo;

“Wakati huu tumewaalika mje tuwaambie na kuwaonesha nini tunacho hapa Dodoma. Hatuwezi kutembelea sehemu zote kwa siku moja lakini nyinyi mnaweza kushawishi nchi zenu kuhamia Dodoma kwani Mihimili Mitatu ya Serikali yote ipo Dodoma hivyo ni wakati sasa wa kufikiria kuhusu uchumi wa Dodoma kwani Serikali imewekeza fedha nyingi kujenga miundombinu hapa.”

Kadhalika, Mkurugenzi Mtendaji wa Halmashauri ya Jiji la Dodoma Dkt. Fredrick Sagamiko ametumia wasaa huo kuelezea juu ya Mradi unaotarajiwa kutekelezwa Hombolo kwa kuufanya kuwa Mji wa Kidiplomasia kutokana na uwepo wa Ziwa Hombolo ambalo lipo umbali wa Km 70 kutoka Dodoma Mjini na eneo hilo ni la kimkakati kwani lipo karibu na Mji wa Serikali, eneo la Mabalozi pia kiwanja cha ndege cha  Msalato.

Ziara ya Mabalozi Jijini Dodoma imeandaliwa kwa kutambua mchango wa Rais Mhe. Dkt. Samia Suluhu Hassan ambaye amejenga mahusiano mazuri na nchi zote Duniani zinazowafanya wafurahie kuja Tanzania na haya yote wamekua wakiyafanya katika nchi mbalimbali hivyo sasa ni zamu ya Dodoma inakwenda na kauili mbiu ya “Dodoma Tupo Tayari kwa Ajili Yenu”

#dodomawearereadyforyou

#takedodomatotheworldandbringtheworldtododoma

#dodomafahariyawatanzania

#wekezadodomastawishadodoma

#keroyakowajibuwangu

#mtiwangubirthdayyangu