SERA YA TAIFA YA UCHUKUZI YA MWAKA 2003 YAFANYIWA MAPITIO

Imetumwa : November 15th, 2024

Na; Happiness E. Chindiye

    Habari - Dodoma RS

Katibu Tawala Mkoa wa Dodoma Bw. Kaspar K. Mmuya leo Novemba 15, 2024 amefungua kikao kazi kwa ajili ya majadiliano na mapitio ya sera ya Taifa ya uchukuzi ya mwaka 2003.

Kikao hicho kilichofanyika kwenye ukumbi wa mikutano wa ofisi ya Mkuu wa Mkoa (Jengo la Mkapa) kimelenga kukusanya  maoni kwa ajili ya maandalizi ya maboresho ya sera ,ili kuchochea kukua kwa huduma za uchukuzi na pato la mwananchi mmoja mmoja na Taifa kwa ujumla.

Akizungumza na wawakilishi wa makundi mbalimbali walioshiriki  Bw. Mmuya amesema,

“ Nawatia nguvu,mlioalikwa mna thamani kubwa,toeni maoni yenu kwa kuzingatia sekta zenu  kwa namna sera hii itaongeza ufanisi kwa muda wa sasa na baadae “.

Naye Mkurugenzi wa Kitengo cha Ununuzi na Ugavi Wizara ya Uchukuzi Dkt. Johnson S. Laizer amesema majadiliano hayo yamehusisha wananchi kutoka mikoa ya Iringa ,Singida na Dodoma huku mapitio hayo yakihusisha maeneo muhimu ambayo ni  hali ya sasa ya miundombinu na huduma za usafiri, sera na mazingira ya kisheria,usalama na ulinzi ,uwezo wa kumudu gharama ,uaminifu na ubora, athari za mazingira na uendelevu , Jinsia na Makundi maalum pamoja na Masuala ya kipaumbele kwa sera ya Taifa ya usafiri.

 &&&

#kurayakosautiyako  

#ujanjanikupigakura                #dodomatukotayarikupigakura

#mtiwangubirthdayyangu