SKIMU YA UMWAGILIAJI KUKAMILIKA 2024

Imetumwa : May 18th, 2023

Mkuu wa Mkoa wa Dodoma Mhe. Rosemary Senyamule amefanya ziara ya kikazi ya kutembelea mradi mbalimbali ya Maendeleo ambayo serikali imetoa fedha ili iweze kutekelezwa ambayo hadi sasa ujenzi umeshaanza ikiwemo mradi wa Shule ya Msingi Bahi-Misheni chini ya fedha za boost.

“Lengo kubwa la Mheshimiwa Dkt. Samia Suluhu Hassan Rais wa Jamhuri ya Muungano wa Tanzania ni kutoka Kwenye kilimo cha kubahatisha na kilimo pekee ambacho siyo cha kubahatisha ni cha umwagiliaji, tukitunza vizuri haya mabwawa tutakuwa na uhakika wa kulima kwa awamu mbili na ndio lengo la Serikali kuifanya Tanzania kuwa na uwezo wa kulisha nchi zingine, kwahiyo tunatakiwa kutumia vizuri mabwawa ili kuwa na kilimo cha uhakika “amefafanua Senyamule

Kwa Upande wake Mhandisi. Raphael Laiser Meneja wa Mradi kutoka Tume ya Taifa ya Umwagiliaji ameahidi kukamilisha mradi huo ulioanza 27/04/2023 kwa wakati na unagharimu kiasi cha shillingi Bilioni 5.6 hivyo ujenzi utazingatia thamani ya fedha na unatarajiwa kukamilka tarehe 26/10/2024

Katika hatua nyingine Mheshimiwa Senyamule ametoa wito kwa wazazi kuhumiza watoto kwenda shule kwa kuwa watoto chini ya miaka 18 bado wako chini ya uangalizi wa wazazi na kusisitiza kuwa suala la elimu ni muhimu ili kuendana na nyakati ya sasa za sayansi na Teknolojia.

“Tunayo mambo ya kimkakati katika Mkoa wa Dodoma ikiwa ni pamoja na lengo la kudhibiti utoro mashuleni tusingetamani kuwa nyuma katika sekta ya elimu, mtoto akitoroka tunahusika na mzazi, nitoe shime kwa wazazi hakikisheni watoto wanaenda shule kwani watoto wa toro tutagombana nao.“amesisitiza Senyamule

Aidha, Mkuu wa Mkoa amewaasa wafugaji kuendana na nyakati za sasa kwani safari ya Maendeleo inahitaji kujitoa ili kuweza kupata mabadiliko chanya hivyo wanapaswa kutotumika na mifugo yao bali wao kuitumia mifugo ili kuweza kwenda kwa pamoja katika kuimarisha Maendeleo bila Kuacha mtu nyuma.

Naye, Mkuu wa Wilaya ya Bahi Mhe.Godwin Gondwe ameahidi kutekeleza maelekezo aliyowapitia na kuyafanyia utekelezaji ikewemo kusimamia mradi yote kukamilika kwa wakati kwa kuzingatia ubora na kutokuvuka fedha za Serikali za mradi.

Ziara ya Mheshimiwa Senyamule leo Mei 18 ,2023 ametembelea Shule ya Msingi Bahi Misheni, Ukaguzi wa bwawa la Kongogo na ameongea na wananchi wa Kijiji cha Kongogo kata ya Babayu na kusikiliza kero za wananchi hao na ametembelea Kituo cha Afya katika Wilaya ya Bahi Mkoa wa Dodoma.