TAASISI YA TFED YAMTEMBELEA RC DODOMA

Imetumwa : November 15th, 2024

Na.Happiness E.Chindiye 

Habari - Dodoma RS

Mkuu wa Mkoa wa Dodoma Mhe. Rosemary S. Senyamule leo Novemba 15, 2024 ametembelewa na ugeni kutoka taasisi inayoshughulika na masuala ya Watu wenye ulemavu 'Tanzania Foundation For Excellence in Disabilities' (TFED).

Ugeni huo ulioongozwa na  Naibu Waziri Ofisi ya Waziri Mkuu Sera,Bunge na Uratibu Mhe. Ummy Nderiananga umefika ofisini kwake kwa lengo la kumsalimia na kutoa taarifa  kuhusu hafla maalumu  ya Watu Wenye Ulemavu inayotarajiwa kufanyika tarehe 24.11.2024  katika ukumbi wa  mikutano Jakaya Kikwete Jijini Dodoma.

Hafla hiyo itawawezesha Watu Wenye Ulemavu kupata elimu kuhusu fursa za Mikopo na kukuza biashara kwa watu wenye Ulemavu,kugawa  vifaa saidizi kwa Watu Wenye Ulemavu ,majiko ya nishati safi ya kupikia kwa  Wajasiriamali Wenye Ulemavu,pia ni sehemu ya kuunganisha Watu wenye Ulemavu ,kushiriki chakula cha mchana na Wadau mbalimbali wa Maendeleo

&&&

#kurayakosautiyako 

#ujanjanikupigakura                #dodomatukotayarikupigakura

#mtiwangubirthdayyangu