TIMU YA BENKI YA DUNIA YATEMBELEA MIRADI YA AFYA,MAJI NA ELIMU DODOMA

Imetumwa : February 27th, 2025

Na Sofia Remmi.

Habari-Dodoma Rs

Katibu Tawala Mkoa wa Dodoma Bw.Kaspar K.Mmuya ametembelewa na ugeni kutoka Benki ya Dunia ambao umefika ofisini kwake  Februari 27, 2025,kwa Lengo la Kumsalimia na kutoa taarifa fupi juu ya ziara ya Kukagua miradi ya maji,afya na elimu inayotekelezwa Katika Halmashauri za Kongwa na Chamwino ili kujionea jinsi miradi hiyo  inavyotekelezwa.

Akizungumza katika kikao hicho, Katibu Tawala  Mmuya amesema ugeni huo ni wa muhimu sana kwani ni vyema kufuatilia ili kujionea namna fedha zinazoletwa  zinavyotumika  kunufaisha Wananchi.

“Dodoma ni sehemu ya utulivu hivyo kila mmoja wetu ajione kama yupo sehemu sahihi katika utendaji wake wa kazi,nawaahidi ushirikiano kwa kila hatua muda wote ambao mtakuwa Dodoma”amesema Mmuya

 Aidha,katika miradi iliyokaguliwa  kwa upande wa Halmshauri ya Kongwa  Msaidizi wa Program ya P4R Bi.Toyoko Kodama  amesema,

"Miradi hii itawanufaisha Wananchi wote kwa ujumla kwa kuwapatia huduma za maji,afya na elimu hivyo kama watumiaji, niwaombe kuitunza ili idumu" .

Ziara hiyo imepangwa kufanyika kwa siku mbili,leo ikiwa ni siku ya kwanza, miradi iliyotembelewa ni iliyotekelezwa katika Halmashauri ya Wilaya ya Kongwa ambayo gharama yake ni shilingi bilioni 17.

#dodomafahariyawatanzania

#keroyakowajibuwangu