“ TUTAYAENZI NA KUYATANGAZA MEMA ANAYOYAFANYA MHE. RAIS “ RC SENYAMULE

Imetumwa : October 15th, 2025

Na Sofia Remmi

      Habari: DODOMA RS

Ikiwa ni muendelezo wa vikao mbalimbali vya Mkuu wa Mkoa wa Dodoma Mhe. Rosemary Senyamule kuzungumza na makundi mbalimbali ya kijamii kuhusu masuala mbalumbali, tarehe 15 Oktoba 2025, alifanya kikao na Viongozi wa Kundi la ‘Wanawake na Samia’ Mkoa wa Dodoma katika Ukumbi wa Mikutano Jengo la Mkapa Jijini hapa.

Akizungumza katika Kikao hicho, Mhe. Senyamule amesema kundi hilo ni la muhimu ambalo limejipambanua kumsemea mema yote anayoyafanya Mhe. Rais Dkt. Samia Suluhu Hassan.

“Mhe.Rais anafanya kazi kubwa sana ya kuleta maendeleo katika nchi yetu hivyo niwapongeze kwa hatua nzuri ya kumsemea Mama kazi anayoifanya katika Mkoa wetu na kuona wajibu ambao tunaendelea kuufanya katika Mkoa”

Kila mmoja wetu anawajibu wa kumsemea Mama kama mwanamke kinara ambaye amefanya kazi kubwa katika nchi yetu ya kuleta maendeleo mbalimbali na kujipambanua kwa vitendo ambavyo anavifanya”. Amesema Senyamule.

Mhe. Senyamule aliongeza kuwa, hakuna miradi mikubwa ambayo imewahi kutekelezwa kama Kipindi ambacho Mhe. Dkt. Samia Suluhu Hassan amekua madarakani kwani ametoa fedha nyingi za miradi ambayo imeifanya Dodoma kuwa na hadhi ya Mji wa Makao Makuu ya nchi hivyo wanapaswa kuunga Mkono jitihada zake.

Kwa upande wake, Mwenyekiti wa Kundi hilo Mkoa wa Dodoma Bi. Fatuma Madidi amesema, “Kila Mwanamke hapa amejipanga kutoka kuhamasisha Wanawake na watu wengine kujitokeza kupiga kura ifikapo Oktoba 29 ambapo ni kama wiki mbili zimebaki ili Mkoa wetu uwe kinara kwa watu kujitokeza kupiga kura wingi”.

#DodomaFahariyaWatanzania

#KuraYakoHakiYakoJitokezeKupigakura

#NimejiandikishaNitapigaKura

#UmejiandikishaKapigeKura