UTEKELEZAJI WA SOMO LA KINGEREZA KWA SHULE ZA MSINGI BORA WASHIKA HATAMU CHEMBA

Imetumwa : November 20th, 2023

Ofisi ya Rais, Tawala za Mikoa na Serikali za Mitaa (TAMISEMI) imewaagiza  Wataalamu waliopata  Mafunzo ya Programu ya   kusimamia na kutekeleza Muhtasari wa somo la Kingereza kwa Shule za Msingi Bora  kulingana  na  Mtaala wa Elimu ya Msingi 2023. 

Agizo hilo limetolewa Leo Novemba 20,2023 na Kaimu Mkurungezi Idara ya Usimamizi wa Elimu Ofisi ya Rais Tawala za Mkoa na Serikali za Mitaa (TAMISEMI) Bi. Suzan Nussu wakati akifungua mafunzo  ya siku tano kwa Walimu 100 wa  Halmashauri ya Chemba wanaofundisha somo la Kiingereza ili wapate umahiri wa kufundisha Mtaala mpya , katika Ukumbi wa Mikutano Jengo la Kondoa  Irangi Wilayani Kondoa. 

Lengo la mafunzo hayo ni kujadili mabadiliko yaliyotokea katika mtaala wa Elimu Msingi 2023 ,Kubaini mabadiliko ambayo yamefanyika katika Muhtasari wa somo la Kingereza , kufanya mjadala wa pamoja wa kuona namna ya ufundishaji  wa somo la Kingereza unavyofanyika Mashuleni na kufanya majumuisho  pamoja na kuandaa Mpango kazi kwa namna gani wataazimia kwenda kutekeleza somo la Kingereza. Pia kukuza kiwango cha ufaulu wa somo la Kiingereza nchini.

" TAMISEMI imeagiza kwamba kuhakikisha Shule zote zilizopata nafasi za kujengewa uwezo zinafanya vizuri,matarajio yetu kwenye utekelezaji huu kuanzia January mwakani tuone mchaka mchaka .

"Matarajio ya serikali ni kuona watoto wanamudu stadi za kuzungumza ili wanapofika kwenye madarasa ya kupimwa na mithani waweze kupita vizuri na kuendelea na masomo ya Sekondari ".ameeleza Bi.Nussu 

Naye, Kaimu Katibu Tawala Mkoa wa Dodoma ambaye pia ni Afisa Elimu Mkoa huo Mwl.Vicent Kayombo amesema   mafunzo hayo yanajumuisha wataalamu wa ndani ya Mkoa huo hivyo  amemhakikishia Kaimu Mkurungezi wa Idara ya Usimamizi wa Elimu TAMISEMI utekelezaji uliotukuka na kama  Mkoa umejipanga kutimiza dhamira ya serikali ya kuresha na kutoa Elimu bora.

ReplyForward