VIJANA WANAOPATIWA MKOPO YA KILIMO KUFUATILIWA KWA MFUMO MAALUM

Imetumwa : August 4th, 2025

Na. Hellen M. Minja

       Habari – DODOMA RS

Agizo limetolewa la kuundwa kwa Mfumo maalum wa kufuatilia fedha zinazotolewa na Taasisi za Kifedha za Serikali kwa Vijana wanaojishughulisha na kilimo kwani fedha hizo zinatolewa kwa malengo mahususi na sio sadaka.

Naibu Katibu Mkuu Wizara ya Kilimo anayeshughulikia masuala ya maendeleo ya mazao Dkt. Stephen J. Nindi, ametoa agizo hilo alipohudhuria hafla ya uzinduzi wa dirisha la mikopo kwa vijana wanaojihusisha na kilimo iliyofanyika kwenye ukumbi wa Viwanja vya maonesho ya Nanenane 2025 Nzuguni Jijini Dodoma.

“Utengenezwe mfumo imara wa kufuatilia hii fedha kwani sio ya bure, kuna watu sehemu fulani wameteseka, Serikali imekusanya inakupatia wewe, ‘it’s not fo free’. Kwa hiyo lazima twende tuwafundishe mfano wa SACCOS zilizofanya viizuri kwani haiihitaji elimu kubwa kumfuatilia mtu, tusiwape hii fedha kama sadaka”.

Kadhalika, Kaimu Mkurugenzi wa Mfuko wa Pembejeo – AGITF Bw. Itandula Gambalagi amesema watafanya ufuatiliaji wa fedha inayotoka kwa dhamana hiyo ili kuhakikisha zinarejeshwa na kuwafikia walengwa ambao kweli ni wanajishughulisha na kilimo na kufahamu marejesho yao yakoje.

 Hata hivyo, Mkurugenzi Mtendaji wa Benki ya Ushirika Bw. Godfrey Ng’urah, amesema Vijan a wanaopatiwa mkopo huo wanawakilisha vijana wengi wanaozalisha fedha katika mnyororo wa thamani wa kilimo biashara hivyo wanahitaji kuongezewa nguvu ili waweze kufikia masoko.

Benki ya Ushirika (COOP Bank of Tanzania) kwa kushirikiana na Mfuko wa Pembejeo nchini (AGITF), wametoa mkopo wa shilingi Bilioni 8.5 kwa vijana wanaojishughulisha na kilimo hususan wale walio kwenye mpango wa jenga kesho iliyo bora 'Building Better Tomorrow' ( BBT) ili vijana hao waweze kufikia malengo yao kupitia sekta hiyo.

#dodomafahariyawatanzania

#wekezadodomastawishadodoma

#keroyakowajibuwangu

#mtiwangubirthdayyangu