"WASIMAMIZI UJENZI WA MADARASA KONDOA TC MJITATHIMINI"RC SENYAMULE

Imetumwa : November 22nd, 2022

Mkuu wa Mkoa wa Dodoma Mhe Rosemary Senyamule, amefanya ziara ya kutembelea na kukagua ujenzi wa madarasa katika shule mbili za sekondari zilizopo katika Halmashauri ya Kondoa Mji ambazo ni shule ya sekondari Kwapakacha pamoja na shule ya sekondari Bicha.

Ziara hii ni mwendelezo wa ziara ambazo Mhe. Senyamule amekuwa akifanya katika kukagua miradi ya maendeleo ikiwa ni pamnoja na ujezi wa vyumba vya madarasa na ofisi  kwa shule za shule za sekondari, ambapo Serikali imetoa fedhaili kuwezesha ujenzi huo na Mkoa wa Dododma umepokea fedha zitokazowezesha ujenzi wa madarasa 339.

Katika shule ya sekondari Kwapakacha ambayo imepokea kiasi cha Shilingi Milioni 40 kwa  ajili ya ujenzi wa madarasa 2, ujenzi wa madarasa hayo bado umeonekana kuwa upo nyuma kwa mujibu wa ratiba iliyowekwa na Mkoa kwa makubaliano na wakurugenzi wa Halmashauri zote 8 za Mkoa wa Dodoma kuwa madarasa hayo yatakabidhiwa ifikapo Desemba 5 mwaka huu, ili kuweza kupokea wanafunzi wa kidato cha kwanza mwakani.

Vivyo hivyo katika shule ya Sekondari ya Bicha, shule hiyo  imepokea Shilingi Milioni 40 kwa  ajili ya ujenzi wa madarasa 2. Bado hali ya Ujenzi hairidhishi licha ya uongozi kuahidi kukamilisha ujenzi na kukabidhi madarasa ifikapo tarehe 25 Novemba,2022.

Kufuatia hali hiyo Mkuu wa Mkoawa Dodoma Mhe. Rosemary Senyamule, amewataka wasimamizi wa ujenzi kwa shule zote mbili kujitathmini upya. "Sijafurahishwa na hali ya miradi inavyoendelea na sidhani kama mnaweza kukabidhi kwa tarehe hiyo mnayoisema hapa. Hebu viongozi mnaosimamia ujenzi huu, mjitathmini kwa kuwa nyuma ya muda, mjipange muwe na mikakati ya kumaliza ujenzi kwa wakati maana hii ni kazi ya Kitaifa ya kujenga madarasa haya" amesema RC Senyamule

Akisoma taarifa ya miradi ya madarasa inavyoendelea katika Halmashauri hiyo, Kaimu Mkurugenzi wa Halmashauri ya Kondoa Mji,Bi. Irene V. Misha amesema kuwa wamepokea Shilingi Milioni 180,000,000/= kwa ajili ya Ujenzi wa vyumba 9 vya madarasa katika shule Tano za sekondari ikiwa ni pamoja na Kwapakacha vyumba 2, Gulabi chumba 1, Bicha vyumba 2, Ula vyumba 2 na Dilai vyumba 2.

"Halmashauri iliunda timu ya ufuatiliaji wa mradi ambapo kila Mkuu wa Idara alipewa Kata ya kusimamia ambayo ndani yake kuna shule yenye ujenzi wa vyumba vya madarasa.Ufuatiliaji wa kila wiki unafanywa na taarifa ya utekelezaji inawasilishwa kila Jumatatu ya Juma. Hadi kufikia tarehe 17 Novemba, majengo yanayojengwa yamefikia hatua ya upauaji na upigaji wa plasta" Bi Mosha

Awali kabla hajaanza ukaguzi wa madarasa hayo, Mhe Senyamule amezindua rasmi nyumba ya Mkuu wa Wilaya ya Kondoa ambayo utekelezaji wa mradi wake ulianza tarehe 11 May 2021 lengo likiwa ni kujenga makazi ya kudumu ya Mkuu wa Wilaya ya Kondoa mradi ambao umegharimu kiasi cha Shilingi Milioni 640,317,900.00 ikijumuisha na VAT. Pamoja na huo Mkuu wa Mkoa Mhe. Senyamule amekagua mradi wa ujenzi wa nyumba ya Katibu Tawala Wilaya ,ambapo ujenzi unaoendelea na upo kwenye hatua za umaliziaji.

MWISHO