SACCOS NI FURSA KWA MAENDELEO YA KIUCHUMI YA WANAWAKE

Imetumwa : October 11th, 2025

Na. Elizabeth S. Dai- DODOMA.

Dodoma Women Saccos ( DOWOSA) wametoa fursa ya kukuza uchumi wa wanawake wa Mkoa wa Dodoma kwa kutoa Mikopo kwa wanawake waliojiunga na watakaojiunga na ushirika huo.

Hayo yamebainishwa na Katibu Tawala Msaidizi Sehemu ya Uchumi na Uzalishaji  Bi Aziza Mumba, alipokutana na wanachama wote wa ‘Dodoma Women SACCOS’ kwenye mkutano wao mkuu wa tatu kwa mwaka 2025 uliofanyika katika hoteli ya Best Western Oktoba 11,2025 Jijini Dodoma.

“SACCOS imelenga kuwainua kiuchumi wanawake wote wa mkoa wa Dodoma hivyo tunaomba wajiunge kwa wingi ili kuinua vyanzo vyao vya mapato pamoja na maendeleo”, amesema Bi. Mumba.

Vilevile Mwenyekiti wa SACCOS  Dodoma amemshukuru Mkuu wa Mkoa wa Dodoma Mhe. Rosemary Senyamule pamoja na Ofisi yake kwa kuwa nao bega kwa bega katika mipango mikakati yote ya kikundi hicho.

Mkutano huo umeambatana na ajenda mbalimbali ambazo zimelenga kukuza uchumi wa wanawake kwa kuwapatia mikopo na elimu juu ya matumizi bora ya mapato yao.

#DodomaFahariYaWatanzania

#NimejiandikishaNitapigaKura

#UmejiandikishaKapigeKura

#KuraYakoHakiYakoJitokezeKupigaKura