HALMASHAURI YA JIJI LA DODOMA YAPONGEZWA KUPATA HATI SAFI KWA MWAKA 2023/2024

Imetumwa : June 13th, 2025

Na; Happiness E. Chindiye

Habari - Dodoma RS

Halmashauri ya Jiji la Dodoma imepongezwa kwa kupata hati safi katika ukaguzi wa mwaka 2023/2024 wa Mdhibiti na Mkaguzi wa Hesabu za Serikali, jambo ambalo  limeipa heshima kubwa Halmashauri hiyo na Mkoa huu kupata hati safi tangu 2027,2018 hadi sasa.

Mkuu wa Mkoa wa Dodoma Mhe. Rosemary  S. Senyamule ametoa pongezi hizo Juni13,2025   kwenye mkutano maalum wa Baraza la madiwani la Halmashauri ya Jiji la Dodoma lililokutana kwa lengo la kujadili ripoti ya Mkaguzi Mkuu wa Hesabu za Serikali (CAG ) kwa mwaka 2024/2025.

“ Nitumie nafasi hii kwa upekee kuipongeza Halshamauri ya Jiji la Dodoma kwa kupata hati safi ya ukaguzi wa hesabu za Serikali zinazoishia tarehe 30,Juni, 2024 , ambapo hati hii inafanya Halmashauri hii kuendelea  kupata hati safi tangu 2017,2018 mpaka sasa” - Mhe. Senyamule

 Aidha,kupitia kikao hicho Mhe. Senyamule  ameielekeza  Halmashauri hiyo kufanyia kazi mapungufu yaliyoibuliwa katika ripoti ya Mkaguzi Mkuu wa Hesabu za Serikali (CAG) katika eneo la  makusanyo ya fedha za mauzo ya viwanja..

Awali akisoma ripoti hiyo ya 'CAG' Afisa kutoka Ofisi  ya Taifa ya Ukaguzi wa Hesabu za Serikali Bw. Karim Mwinyimbegu amesema Halmashauri imepata hati inayoridhisha huku akiweka bayana changamoto kadhaa zilizojitokeza.

#dodomafahariyawatanzania

#wekezadodomastawishadodoma

#keroyakowajibuwangu

#mtiwangubirthdayyangu