SERIKALI IMEJIPANGA KUHAKIKISHA WAFANYABIASHARA WANAKUWA NA MAZINGIRA RAFIKI

Imetumwa : July 14th, 2025

Na;Happiness Elias Chindiye

      Habari - Dodoma RS

Serikali imejipanga kuhakikisha wafanyabiashara wanakuwa na mazingira rafiki yakufanyia kazi kwa kutatua changamoto walizonazo na kuwa huru kutoa mawazo yahusuyo sekta yao.

Hayo yamebainishwa na Mkuu wa Mkoa wa Dodoma Mhe. Rosemary S. Senyamule wakati wa kikao cha Baraza la Biashara la  Mkoa kilichofanyika katika Ukumbi wa Mikutano wa Ofisi yake,Jengo la Mkapa Jijini Dodoma.

Mhe.Senyamule ametumia jukwaa hilo kutoa wito kwa wafanyabishara kutumia fursa zinazotangazwa ndani la Jiji la Dodoma ili kuwa wanufaika wa kwanza.

“Nitoe wito kwenu kutumia fursa zinazotangazwa ili kuwa wafaidika wa kwanza wa fursa hizo “ - amesisitiza Mhe. Senyamule

Aidha, kikao hicho kimeazimia TARURA NA TANROADS kuweka mpango wa muda mrefu na mfupi wa kuongeza taa eneo la Mbande na Kibaigwa, Halmashauri ya Jiji la Dodoma iongeze maeneo ya kutoa huduma za biashara kwa muda wa saa 24,Halmashauri zote na SIDO ziweke mpango madhubuti wa kuhamasisha wananchi juu ya upatikanaji wa mikopo yenye riba nafuu.

Pia, TANROAD’S na TARURA kuboresha miundombinu ya barabara ya Zuzu kwa kuzingatia uboreshaji wa  mazingira ya  uwekezaji, Halmashauri zishirikishe sekta binafsi kwenye miradi  (PPP), Halmashauri zote zihamasishe usajili wa wafanyabiashara wadogo wadogo kwa ajili ya uboreshaji wa takwimu pamoja na TARURA na DUWASA kufanya ukaguzi wa mara kwa mara katika miundombinu ya mitaro, madaraja na bomba za maji safi na maji taka kuhakikisha yanafanyiwa ukarabati huku taasisi zote zinazotoa huduma kwa wafanyabiashara  zipatikane katika ‘one stop center’.

#dodomafahariyawatanzania

#keroyakowajibuwangu