Ujumbe Toka Nchini Oman Watembelea Ofisi ya Mkuu wa Mkoa Dodoma

Imetumwa : July 26th, 2022

Hivi karibuni ujumbe wa Viongozi wanne kutoka nchini Oman, umetembelea ofisi ya Mkuu wa Mkoa Dodoma kwa kusudi la kujitambulisha na kumsalima Mkuu wa Mkoa huyo. Ujumbe huo ulikuwa na Katibu Mkuu Wizara ya Mambo ya Nchi za Nje Oman H.E Mohamed Bin Nasser Al Wahaibi,Balozi wa Oman Nchini Tanzania H.E Saud Al Shidhani, Injinia Luqman Mohamed Al Adawi pamoja na Mjumbe Bw. Zahir Sulaiman Najeem Al Abri.

Ujumbe huo umeongozwa na mwenyeji wao Balozi wa Tanzania, Nchini Oman Mhe. Balozi Abdallah.A.Kilima ambaye alifuatana na baadhi ya maafisa wa Ofisi ya mambo ya nje Tanzania, Bw. Leonce E. Bilauri_ Mkurugenzi Msaidizi idara ya Mashariki ya Kati- foreign pamoja na Bi. Florence Kebwe Desk officer Oman.

Akizungumza Balozi wa Tanzania Nchini Oman Mhe.Balozi Abdallah.A.Kilima ameeleza kuwa ziara ya viongozi hao toka Oman ni matokeo ya ziara ya Mhe. Rais Samia Suluhu Hassan nchini Oman. Ujumbe huu umekuja kutafuta sehemu ya kujenga Ofisi ya Ubalozi.

Katibu Mkuu Wizara ya Mambo ya Nchi za Nje Oman H.E Mohamed Bin Nasser Al Wahaibi ameeleza kuwa tumekuja Dodoma kwa sababu kubwa mbili, sbabau ya kwanza kutafuta kiwanja ambacho tutajenga ubalozi wa kisasa na sababu ya pili Tunataka kujenga kituo cha utamaduni/ cultural centre, lakini pia tumekuja kumtembelea balozi wetu mpya ambaye anaiwakilisha Oman nchini Tanzania.

Akizungumza Mhe. Mtaka ameukaribisha ujumbe wa Omani Makao Makuu ya nchi Dodoma na kuhakikishia kuwa Mkoa wa Dodoma upo tayari kuwapokewa nna kuwapatia viwanja. “Tunataka Mkoa wa Dodoma uonyeshe taswira ya makao makuu,na moja ya sehemu ambayo inafaa kwa uwekezaji.Tutawapatia na kuhakikisha mnawekeza Jijini Dodoma bila usumbufu wowote.Dodoma tuna fursa kwenye eneo la mifugo kama ng’ombe, mbuzi na kondoo.Aidha tunazalisha alizeti na Mtama. 50% ya alizeti inatoka Mkoani Dodoma.Hivyo ni vyema wawekezaji toka Oman wakaja na kuwekeza kwenye Nyanja ya kilimo au mifugo”.Amesema Mhe.Mtaka.

Nae Balozi wa Oman nchini Tanzania  Mhe, Saud Al Shidhani, amesema tayari mazungumzo yamefanyika na TIC/NARCO/TRA na tayari wamsaini MOU ya kufanya biashara pamoja. “Hivyo tutahakikisha wajumbe hawa wakija tena Tanzania wanafika Dodoma Makao Makuu”. Amesema  Mhe. Balozi Al  Shidhani.

Mwisho.