UONGOZI WA GLOBAL COMMUNITIES OFISINI KWA KATIBU TAWALA MKOA WA DODOMA

Imetumwa : October 3rd, 2023

Uongozi wa Taasisi ya Global Communities ukiongozwa na Bw. Godfrey Matumu ambao wanatekeleza mradi wa 'Pamoja Tuwakilishe' katika Mkoa wa Dodoma, leo Oktoba 03, 2023, umetembelea Ofisi ya Katibu Tawala Mkoa wa Dodoma Bw. Ally Gugu iliyopo jengo la Mkapa kwa lengo la kuelezea utekelezaji wa mradi huo unaofanya kazi katika shule 75 za msingi zilizopo kwenye Halmashauri za Chemba, Kondoa na Mpwapwa ambapo kila Halmashauri, utekelezaji unafanyika kwenye shule 25. Mradi huu unatekeleza mradi wa chakula shuleni kupitia chakula kutoka kwa mfadhili, michango ya jamii na mashamba ya shule.

Viongozi wa Taasisi hiyo walioambatana kwenye Ofisi ya Katibu Tawala Mkoa wa Dodoma ni Bi. Tessa Coggio, Mtaalamu Mwandamizi - ufuatiliaji na Tathmini, Bw. Colby Berry - Meneja Mwandamizi Utekelezaji, Joseph Bangnikon - Mtaalamu Mshauri wa Mradi, Ambokile Mwangoka - Meneja Mwandamizi Chakula na Wilfred Donath - Meneja Mwandamizi Ufuatiliaji na Tathmini