VIJANA WAHIMIZWA KUJIKITA KWENYE KILIMO ILI KUKUZA VIPATO VYAO

Imetumwa : February 10th, 2025

Na,Happiness E. Chindiye

     Habari - Dodoma RS

Vijana Mkoani Dodoma wamehimizwa kujikita kwenye Kilimo  ili kukuza vipato vyao  na kuondokana na umasikini.

Akizungumza na washiriki Katibu Tawala Mkoa wa Dodoma Bw. Kaspar K. Mmuya wakati akifungua Mafunzo kwa Vijana wabunifu wa Mkoani hapo kupitia mradi atamizi (Generation Food Accererator). Tarehe 10.02.2025 kwenye ukumbi wa Mesuma Hoteli Jijini Dodoma.

Bw. Mmuya amewasisitiza  Vijana hao kutumia fursa ya Kilimo kwani ni sehemu ya utekelezaji wa ajenda ya nchi ikiongozwa na Mhe. Dkt Samia Suluhu Hassan Rais  wa Jamhuri ya Muungano wa Tanzania na Mkoa ya kukuza Uchumi wa mmoja mmoja.

“ Mnachofanya ni sehemu ya utekelezaji wa agenda ya Mkoa ya kukuza kipato cha mtu mmoja mmoja na njia moja wapo ni Kujikita kwenye kilimo biashara kwenye mazao ya Alizeti ,Mtama , mboga na matunda na mifumo jumuishi na endelevu ya chakula na lishe kwa Mkoani  hapa  .” Bw. Mmuya

Kadhalika ametoa wito kwa Vijana hao  na wanadodoma kwa ujumla kuendelea kupanda miti ya matunda na kufanya kilimo chenye Biashara kwani ataweza kuwatambua kwa matendo wakiendelea  kukua .

Naye Katibu  Tawala Msaidizi Sekta za Uchumi Ofisi ya Mkuu wa Mkoa, Bi. Aziza Mumba amewasihi Vijana kujikita kwenye Kilimo na Ufugaji kwani ni ajira ya uhakika na fursa kwa nchi yetu kwani kuna rasilimali za kutosha.

Kwa Upande Wake Mshauri wa Program ya RIKOLTO Dodoma Bw. Willifaston Ntoroma amesema malengo ya mradi huo ni kuwasaidia Vijana kuzalisha chakula kingi na chenye ubora, kujipatia ajira na kujiwekea mifumo endelevu ya masoko.

Mradi huo unalenga vijana wa kiume na wanawake wenye umri wa miaka 18-35, unaotekelezwa kwa awamu ya kwanza (2024/2025) unajumuisha vijana 50 ambao watapewa elimu kwa siku sita huku wakiongozwa na kauli mbiu “ Kilimo biashara, pesa mfukoni “.

&&&

#dodomafahariyawatanzania

#keroyakowajibuwangu

#birthdayyangumtiwangu