HOSPITAL YA BENJAMIN MKAPA YAADHIMISHA MIAKA 10 YA MAFANIKIO

Imetumwa : October 13th, 2025

Na Elizabeth S. Dai – Dodoma

Hospitali ya Benjamin Mkapa imejivunia miaka  miaka 10 ya mafanikio tangu ilipozinduliwa rasmi mnamo Oktoba 13, 2015, ikiwa ni sehemu ya utekelezaji wa azma ya Serikali ya Awamu ya Nne chini ya uongozi wa Rais mstaafu, Dkt. Jakaya Mrisho Kikwete.

Akizungumza kwenye uzinduzi wa maadhimisho ya miaka 10 katika Viwanja vya Nyerere Square, Mkuu wa Mkoa wa Dodoma, Mhe. Rosemary S. Senyamule, amesema:

“Katika kipindi cha miaka 10 tumeshuhudia maboresho makubwa katika huduma za kibingwa na kibobezi. Hadi sasa, hospitali inatoa huduma zaidi ya 17 za ubingwa wa juu na huduma 20 za kawaida.”

Mhe. Senyamule ameahidi kushirikiana kwa karibu na hospitali kuhakikisha inazidi kuwa mfano wa kuigwa kwa utoaji wa huduma bora za afya si tu mkoani Dodoma, bali taifa kwa ujumla.

Katibu Tawala wa Mkoa wa Dodoma pia aliipongeza hospitali hiyo kwa huduma nzuri za kiafya na kuhimiza ushirikiano katika kuanzisha mpango wa ‘Medical Tour’.

Naye Mkurugenzi Mtendaji wa Hospitali ya Benjamin Mkapa, Prof. Abel Makubi, amesema hospitali imehudumia zaidi ya wagonjwa milioni 1.6 katika kipindi cha miaka 10 na kwa sasa ina uwezo wa kuhudumia wagonjwa zaidi ya elfu moja kwa siku.

Maadhimisho hayo pia yaliambatana na utoaji wa vyeti vya pongezi kwa watumishi waliotambuliwa kwa kazi bora pamoja na huduma bure za kiafya kwa wananchi wote mpaka tarehe Oktoba 17, 2025.

#nimejiandikishanitapigakura

#UmejiandikishaKapigekura

#KuraYakoHakiYakoJitokezeKupigaKura