RAIS SAMIA ATOA MKONO WA EID KWA WENYE UHITAJI DODOMA

Imetumwa : March 1st, 2025

Na;Happiness Elias Chindiye

Habari - Dodoma RS

Mkuu Mkoa wa Dodoma Mhe. Rosemary S. Senyamule Machi 30,2025 amekabidhi kwa niaba ya Mheshimiwa Rais wa Jamhuri ya Muungano wa Tanzania Daktari Samia Suhulu Hassan, zawadi za mkono wa Eid kwenye vituo vya kulea watoto wenye mahitaji maalum.

Mhe.Senyamule amekabidhi zawadi hizo zilizotolewa na Mhe. Rais kwa walezi na viongozi wa vituo vya Kijiji cha Matumaini na Rahman ‘Orphanage Center ‘vilivyopo Jijini Dodoma.

“Kwa niaba ya Serikali, niendelee kuwashukuru na kuwapongeza walezi wote mnaolea watoto kwenye vituo hivi, Mungu awabariki kwa upendo mnaouonesha kwa watoto hawa” Mhe

Senyamule

Naye Kiongozi wa Kijiji cha Matumaini Padri Vicent Boselli amesema kwa zaidi ya miaka 20 kituo hicho kimekuwa kikipokea watoto wenye maambukizi ya VVU na kuwapa matumaini ya upendo na kuishukuru Serikali kwa kuwakumbuka kwenye kipindi hiki cha Sikukuu.

Kwa Upande wao Shadrack Hassan na Hazla Ramadhan ambao ni miongoni mwa watoto wenye mahitaji wanaolelewa katika vituo hivyo wamemshukuru Mhe. Rais pamoja na Uongozi wa Mkoa kwa zawadi hizo.

Zawadi zilizotolewa ni pamoja na mchele kilogramu 300, Mbuzi 6, juisi katoni 24, mafuta ya kupikia lita 60, unga wa sembe kilogramu 100, maharage kilogramu 100 na mahitaji mengine muhimu.

&&&

#keroyakowajibuwangu

#dodomafahariyawatanzania