RAS MMUYA AFUNGUA KIKAO KAZI CHA MAAFISA UTUMISHI MKOA WA DODOMA

Imetumwa : May 5th, 2025

Na. Sizah Kangalawe- Dodoma RS

Katibu Tawala Mkoa wa Dodoma Bw. Kaspar Mmuya amefungua kikao kazi cha Maafisa Utumishi/ Utawala  wa Halmashauri zote za Mkoa huu chenye lengo la kusafisha taarifa za Kiutumishi na mishahara katika mfumo wa taarifa za kiutumishi na mishahara (e- Watumishi).

Ufunguzi huo umefanyika Mei 05/2025 katika ukumbi wa Mikutano wa Ofisi ya Mkuu wa Mkoa wa Dodoma, Jengo la Mkapa.

kikao hicho kinachoratibiwa na wataalamu kutoka Ofisi ya Rais, Menejimenti ya Utumishi wa Umma na Utawala Bora, kinafanyika kuanzia  leo Mei 5 hadi Mei 27,2025 huku kikiwajumuisha Maafisa Utumishi ngazi ya Wilaya na Mkoa.