RAS MMUYA ATEMBELEA MAONESHO KUELEKEA KILELE CHA SIKU YA NYUKI DUNIANI

Imetumwa : May 19th, 2025

Na. Hellen M. Minja

       Habari – DODOMA RS

Katibu Tawala Mkoa wa Dodoma Bw. Kaspar K. Mmuya leo Mei 19, 2025 ametembelea mabanda ya maonesho ya Nyuki na bidhaa za Nyuki yanayofanyika kwenye viwanja vya Bustani ya mapumziko Chinangali (Chinangali Park) Jijini Dodoma.

Maonesho hayo yaliyoanza Mei 17 yanatarajiwa kutamatika siku ya Jumanne Mei 20, ambayo ndio Kilele cha Maadhimisho ya siku ya Nyuki Duniani yanayolenga kutambua mchango wa mdudu nyuki katika usalama na uhifadhi wa chakula.

Akiwa viwanjani hapo, Bw. Mmuya amepata fursa ya kutembelea mabanda kadhaa yanayotengeneza bidhaa zinazotokana na nyuki pamoja na kupata elimu juu ya mambo mbalimbali yayoweza kufanyika kwa kutumia mdudu huyo, sambamba na kutembelea wanyama pori ambao nao wamekua kivutio kwenye maonesho hayo.

Mgeni rasmi katika kilele cha Maadhimisho ya mwaka huu anatarajiwa kuwa Waziri Mkuu wa Jamhuri ya Muungano wa Tanzania Mhe. Kassim Majaliwa Majaliwa (MB), ambapo kaulimbiu ni “Nyuki kwa Uhai na Uchumi Imara, Tuwahifadhi”.

#APIMONDIA 2027 Tanzania ipo tayari

#dodomafahariyawatanzania

#wekezadodomastawishadodoma

#keroyakowajibuwangu

#mtiwangubirthdayyangu