WAFUGAJI NA WAKULIMA DODOMA WATAKIWA KUFUGA NA KULIMA KWA TIJA

Imetumwa : June 21st, 2025

Na; Happiness E. Chindiye

Habari - Dodoma RS

Wafugaji na Wakulima Mkoani Dodoma wameaswa kufanya ufugaji wenye tija na wakibiashara na  kuachana na ufugaji wa zamani wa kienyeji wa kwenda machungani mbali wakati mwingine kuwa kero kwa wakulima, huku  wakulima wakiaswa kulima Kilimo bora kwa kufuata taratibu na  kanuni za kilimo

Wito huo umetolewa 21Juni,2025 na Katibu Tawala Msaidizi sekta za Uchumi na  Uzalishaji Bi. Aziza Mumba kwenye maeneo tofauti tofauti akiwa ziarani Halmashauri za Kongwa na Mpwapwa kuthamini Mkulima  bora na mfugaji wa bora wa samaki pamoja na mifugo Mkoa, ambaye atashindanishwa Kikanda na Kitaifa.

“Endeleeni kuzingatia taratibu na kanuni bora za ukulima, kwani itawasaidia kupata mazao mengi kwenye eneo dogo na kupata kipato.

Hakuna faida ya kufanya ufugaji huu  wa kufuata mifugo nyuma badala yake fugeni mifugo michache ambayo mtafuata taratibu zote za chanjo na kukinga magonjwa,jambo ambalo litawasaidia kupata kipato kwa muda mfupi.” - Ameeleza Bi. Mumba

Katika ziara hiyo ya siku saba, Katibu Tawala Msaidizi ameambatana na  wataalam wengine ambao ni Daktari wa Mifugo Mkoa Dkt. Goodluck Ndaweka  na Afisa Kilimo Bi. Julieth Isdor, ambapo inatarajiwa kutamatika tarehe 22.06.2025.

&&&

#nanenane2025

#dodomafahariyawatanzania

#wekezadodomastawishadodoma

#keroyakowajibuwangu

#mtiwangubirthdayyangu