WAHITIMU WA IFM DODOMA WATAKIWA KUJIPAMBANUA KIMAADILI NA SIYO TU KWA UJUZI NA UTAALAMU

Imetumwa : December 14th, 2024

Na; Happiness E. Chindiye

Habari - Dodoma RS

Mkuu wa Mkoa wa Dodoma Mhe. Rosemary S. Senyamule amewataka wahitimu wa Chuo cha Usimamizi wa Fedha (IFM) kujipambanua siyo tu kwa  ujuzi na utaalamu bali kwa kuzingatia  maadili yanayoendana na ujuzi huo.

Mhe. Senyamule ameyasema hayo tarehe 14 Desemba, 2024 katika Mahafali ya 50 ya Chuo hicho, yaliyofanyika kwenye ukumbi wa Mikutano wa hoteli ya St. Gasper Jijini Dodoma.

“Wahitimu mliomaliza leo, niendelee kuwaasa kuwa huko mnakokwenda katika fani zenu, umahiri huo unajulikana ndani na nje ya Nchi, tuwaone mkijipambanua kama wanafunzi mliotoka IFM mliosomea masuala ya Kibenki, bima , fedha siyo tu kwa ujuzi na utaalamu bali pamoja na maadili yanayoendana na ujuzi huo” Mhe. Senyamule

Naye Mwenyekiti wa Baraza la Uongozi la Chuo cha Usimamizi wa Fedha ( IFM) Prof. Emmanuel Mjema  amesema Chuo hicho kinatekeleza malengo na majukumu mbalimbali yakiwemo kuweka mazingira ya kujifunza na kuzijua kanuni , taratibu na mbinu za uendeshaji wa benki, bima,usimamizi wa fedha ,kutoa mafunzo katika fani za benki,bima ,uzimamizi wa fedha , kutoa mitihani na tuzo za cheti, kudhamini na kuandaa mazingira ya kufanya mikutano na semina pamoja na kuandaa machapisho na kusambaza majarida mbalimbali kulingana na kazi na shughuli za Chuo.

&&&

#dodomafahariyawatanzania