WATUMISHI WAASWA KUZINGATIA SHERIA, KANUNI NA TARATIBU ZA KAZI

Imetumwa : August 26th, 2025

Watumishi wa Ofisi ya Mkuu wa Mkoa wa Dodoma wameaswa kufanya kazi kwa kuzingatika Sheria, Kanuni na Taratibu,na  kuhakikisha haki ya kila Mtumishi inapatikana. Hayo yamebainishwa na Katibu Tawala Mpya wa Mkoa wa Dodoma Dkt. Khatibu Kazungu alipokua akizungumza na Watumishi hao.

Mazungumzo hayo mafupi yamefanyika kwenye ukumbi wa Ofisi ya Mkuu wa Mkoa iliyopo Jijini humu mara baada ya mapokezi pindi alipowasili kwa mara ya kwanza katika Ofisi hiyo leo Agosti 26, 2025.

“Tufanye kazi kwa kuzingatia Sheria, Kanuni na Taratibu, Watumishi tuhakikishe kuwa wanapata haki zao, tusibagaze maisha ya Watumishi, tuheshimu kila Mtumishi kuwa ana nafasi kuanzia mfagiaji hadi Mkurugenzi na wote wanaofanya kazi Sekretarieti ya Mkoa”.

Awali, Dkt. Kazungu amewahi kushika nyadhifa mbalimbali Serikalini ambapo kabla ya kuteuliwa kushika nafasi ya Katibu Tawala Mkoa wa Dodoma, alikua Naibu katibu Mkuu Wizara ya Nishati pia amewahi kushika wadhifa wa Katibu Tawala Mkoa wa Kilimanjaro.

 #dodomafahariyawatanzania

#wekezadodomastawishadodoma

#keroyakowajibuwangu

#mtiwangubirthdayyangu